Vishal Lokhandeसर्वधर्म समभावाचा संदेश देत येरवडा येथे इफ्तार पार्टी; वारकरी संप्रदायाचा उत्स्फूर्त सहभाग
पुणे, दि. — पवित्र रमजान महिन्यानिमित्त येरवडा येथील शहादल बाबा दर्गा येथे आयोजित करण्यात आलेल्या इफ्तार पार्टीत सर्वधर्म समभावाचा सुंदर संदेश देत वारकरी संप्रदायाने उत्स्फूर्त सहभाग नोंदवला. विविध धर्मीय नागरिकांच्या उपस्थितीत हा कार्यक्रम उत्साहात पार पडला.
या कार्यक्रमाला राजाभाऊ रंधवे, इक्रम खान, सुनील मलके, निलेश आल्हाट, सुरेंद्र पठारे, डॅनियल लांडगे, मेहबूब शेख, हनीफ शेख आणि अविनाश साळवे यांची विशेष उपस्थिती होती. तसेच वारकरी संप्रदायातील भाविक, सामाजिक कार्यकर्ते तसेच पुणे शहर पोलीस प्रशासनातील अधिकारी व पदाधिकारीही उपस्थित होते.
यावेळी इक्रम खान यांनी मार्गदर्शन करत समाजात बंधुभाव, एकता आणि सर्वधर्म समभाव जपण्याचे महत्त्व अधोरेखित केले.
या इफ्तार कार्यक्रमाला पुणे शहरातील विविध जाती-धर्मातील नागरिक, सामाजिक संघटनांचे प्रतिनिधी तसेच विविध राजकीय पक्षांचे पदाधिकारी व कार्यकर्ते मोठ्या संख्येने उपस्थित होते. मुस्लिम समाजासह इतर धर्मीय नागरिकांनीही मोठ्या उत्साहात सहभागी होत सामाजिक सलोखा आणि एकतेचा संदेश दिला.
या इफ्तार पार्टीचे आयोजन शहादल बाबा दर्गा समिती, इक्रम खान तसेच विविध सामाजिक संघटनांच्या संयुक्त विद्यमाने करण्यात आले होते.
